నిందుతుని వద్ద నలుగు లక్షల నగదు, ట్రక్ చిట్టీలు స్వాధీనం

వివరాలు వెల్లడించిన పట్టణ ఇన్స్పెక్టర్ శ్రీనివాస్

డైలీ భారత్, రాజన్న సిరిసిల్ల జిల్లా : 

రుద్రంగి మండలానికి చెందిన గడ్డం నర్సారెడ్డి, అప్పారెల్ పార్క్ గోదాముల వద్ద పనిచేస్తున్న విజయ్‌కుమార్, గణేష్‌లతో కలిసి ప్రభుత్వ ధాన్యం కొనుగోలు ప్రక్రియలో అక్రమాలకు పాల్పడ్డాడు. గోదాముల్లో నిల్వల లెక్కలు సరిగా గుర్తించడం కష్టమనే విషయాన్ని ఆసరాగా తీసుకుని, వాస్తవంగా వడ్లు పంపకుండానే రైతుల పేర్లతో నకిలీ ట్రక్ చిట్టీలను సృష్టించి గోదాములకు ధాన్యం చేరినట్లు ఆన్‌లైన్‌లో నమోదు చేశారు.

ఈక్రమంలో జూన్ 5న 378 క్వింటాళ్లు, జూన్ 9న 316 క్వింటాళ్ల ధాన్యం పంపినట్లు నకిలీ ట్రక్ చిట్టీలు రూపొందించగా, రైతుల ఖాతాల్లో ప్రభుత్వ నిధులు జమయ్యాయి. అనంతరం రైతులను మభ్యపెట్టి నగదు వసూలు చేసి, అందులో కొంత మొత్తాన్ని సహ నిందితులకు బదిలీ చేశారు.ఈనేపథ్యంలో ఈకేసులో అరుగురు నిందుతులను అరెస్ట్ చెసి రిమాండ్ కి తరలించగా, ఈ రోజు గడ్డం నర్సారెడ్డి ని అరెస్ట్ చేసి తన వద్ద నుండి రూ.4 లక్షల నగదు స్వాధీనం చేసుకొని రిమాండ్ కి తరలించినట్లు సి.ఐ తెలిపారు

నిందితుని వివరాలు.

1.గడ్డం నర్సారెడ్డి, తండ్రి: రాములు, 45 సం., వృత్తి: వ్యాపారం, నివాసం: రుద్రంగి గ్రామం & మండలం.