మార్పు కోసం నా అక్షరాలు-మంజుల పత్తిపాటి

Misc

Posted on 2026-04-10 08:21:39

Share:

డైలీ భారత్, స్పెషల్:

మార్పు కోసం నా అక్షరాలు-మంజుల పత్తిపాటి....

నగరాల వెలుగుల్లో నీడలు పెరుగుతుంటే

గ్రామాల నిశ్శబ్దంలో బాధలు మోగుతుంటే

ఎందుకోసం సంబరాలు...

ఎవరికోసం ఈ సంబరాలు..!

మనుషుల మధ్య గోడలు ఎత్తుగా పెరిగిన వేళ

మానవత్వం పుటల్లో మౌనం చేరిన వేళ...

ఎందుకోసం సంబరాలు...

ఎవరికోసం ఈ సంబరాలు..!

మద్యము మత్తుకి బానిసై కుటుంబ-

సభ్యులను రోడ్డుపైన పడేస్తున్న వేళ...

ఎండిన డొక్కలతో అన్నం కోసం ఎదురుచూసే నిరీక్షణ కళ్లలో కారం పొడి చల్లిన వేళ...

ఎందుకోసం సంబరాలు...

ఎవరికోసం ఈ సంబరాలు..!

ఉద్యోగ అవకాశం కోసం తలుపులు తట్టే ఆశల్లో

మన్ను కొట్టిన వేళ...

పేదల బాధలు రుధిర గీతాలై పాడిన వేళ...

ఎందుకోసం సంబరాలు...

ఎవరికోసం ఈ సంబరాలు..!

ప్రకృతి కన్నీటి చుక్కలు నా సాహిత్య చేతి ద్వారా

సమాజ భవిష్యత్తును ప్రశ్నిస్తున్న వేళ...

నింకను పసిమొగ్గల నుండి ముసలి ముతక వరకు

అత్యాచారాలు చేస్తూ, దాడులు చేస్తున్న వేళ...

ఎందుకోసం సంబరాలు...

ఎవరికోసం ఈ సంబరాలు..!

ఒక్కసారి ఆలోచించండి...

ఒక్కసారి రేపటి ప్రపంచం కోసం ఆలోచించండి...

రచన మంజుల పత్తిపాటి( కవయిత్రి)

మాజీ ఆలేరు వ్యవసాయ మార్కెట్ కమిటీ డైరెక్టర్

యాదాద్రి భువనగిరి జిల్లా

తెలంగాణ రాష్ట్రం

చరవాణి 9347042218