డైలీ భారత్, వికారాబాద్:వికారాబాద్‌లోని సెండ్ జోడ్స్ పాఠశాలలో వివాదాస్పద సంఘటన చోటుచేసుకుంది. పాఠశాలకు అయ్యప్ప మాల ధరించి వచ్చిన విద్యార్థుల పట్ల ప్రిన్సిపాల్ అభ్యంతరం వ్యక్తం చేయడం స్థానికంగా తీవ్ర దుమారం రేపుతోంది.
మాల ధరించిన విద్యార్థులను పాఠశాలకు రావద్దని సూచించడమే కాకుండా, తరగతి గదిలో కూర్చోవడానికి వీల్లేదంటూ ప్రిన్సిపాల్ స్పష్టం చేసినట్లు విద్యార్థుల తల్లిదండ్రులు ఆరోపిస్తున్నారు.
హిందూ సమాజం ఎంతో నిష్ఠతో ఆచరించే అయ్యప్ప స్వామి మాల పట్ల పాఠశాల యాజమాన్యం ఇలా ప్రవర్తించడం పట్ల విద్యార్థుల తల్లిదండ్రులు, స్థానిక హిందూ సంఘాలు తీవ్ర ఆగ్రహం వ్యక్తం చేస్తున్నాయి.
పాఠశాల ముందు అఖిల భారత అయ్యప్ప భక్తుల సంఘం(ABABS) ,VHPS,ABVP నాయకులు, నిరసన వ్యక్తం చేస్తూ యాజమాన్య తీరును నిరసించారు. విద్యార్థుల భావోద్వేగాలను, మత విశ్వాసాలను దెబ్బతీసేలా వ్యవహరించిన ప్రిన్సిపాల్‌పై తక్షణమే చర్యలు తీసుకోవాలని అధికారులను డిమాండ్ చేస్తున్నారు.
