BC-D నుండి BC-A లోకి ముదిరాజుల ప్రతిపాదనకు వ్యతిరేకంగా ధర్నా!
డైలీ భారత్, భద్రాద్రి కొత్తగూడెం:భద్రాద్రి కొత్తగూడెం జిల్లా కొత్తగూడెం కలెక్టరేట్ వద్ద జిల్లా నాయి బ్రాహ్మణ సేవా సంఘం 500/82 జిల్లా కమిటీ ఆధ్వర్యంలో సుమారు 200 మంది హాజరై భారీ బైక్ ర్యాలీ నిర్వహించారు. అదేవిధంగా కలెక్టరేట్ ఆఫీస్ ముందు ధర్నా కార్యక్రమాన్ని చేపట్టారు.
బీసీ-డి వర్గంలోని ముదిరాజులను బీసీ-ఏ లో చేర్చే ప్రతిపాదనను వ్యతిరేకిస్తూ నిరసన ధర్నా చేపట్టారు. తెలంగాణ రాష్ట్ర నాయి బ్రాహ్మణ సేవా సంఘం 500/82 రాష్ట్ర అధ్యక్షులు పాల్వాయి శీనన్న పిలుపు మేరకు, జిల్లా నాయి బ్రాహ్మణ సేవా సంఘం 500/82 జిల్లా అధ్యక్షుడు కడియాల సత్యనారాయణ ఆధ్వర్యంలో భద్రాద్రి కొత్తగూడెం జిల్లా కలెక్టరేట్ కార్యాలయం వద్ద జిల్లాలోని నాయి బ్రాహ్మణ సోదరసోదరీమణులందరూ పెద్ద సంఖ్యలో హాజరై ధర్నా విజయవంతం చేశారు.
ప్రభుత్వ నిర్ణయాన్ని వ్యతిరేకిస్తూ, ప్రతిపాదనను ఉపసంహరించుకోవాలని డిమాండ్ చేశారు. ఈ కార్యక్రమంలో వివిధ మండలాల, గ్రామాల నుండి నాయి బ్రాహ్మణ సేవా సంఘం జిల్లా కమిటీ సభ్యులు తదితరులు పాల్గొన్నారు.
#NaiBrahmin #BhadradriKothagudem #CollectorateMuttadi #KadiyalaSatyanarayana #BCDtoBCA #DailyBharat
