నగర శివారులోని నాగారం అటవీ ప్రాంతంలో చిరుత సంచారం... భయాందోళనలో స్థానికులు

డైలీ భారత్ న్యూస్, నిజామాబాద్: నిజామాబాద్ నగర శివారులోని  నాగారంలో చిరుత సంచారం కలకలం రేపింది. ఆదివారం సాయంత్రం నాగారంలోని వాటర్ బ్యాంకు సమీపంలో చిరుత సంచరించడంతో కాలనీవాసులు భయాందోళనకు గురయ్యారు. చిరుతను చూసిన స్థానికులు వీడియో తీసి సోషల్ మీడియాలో పోస్ట్ చేయగా అదికాస్తా వైరల్ గా మారింది. విషయం తెలుసుకున్న ఫారెస్ట్ అధికారులు ఘటనా స్థలాన్ని పరిశీలించారు. ప్రజలు ఒంటరిగా తిరుగవద్దని, అటవీ ప్రాంతలోకి వెళ్లకూడదని సూచించారు. ఆదివారం రాత్రి నుండి చిరుత సంచరించిన  ఆ ప్రాంతంలో అటవీ శాఖ అధికారులు విస్తృతంగా గాలింపు చర్యలు చేపడుతున్నారు.