డైలీ భారత్, భద్రాద్రి కొత్తగూడెం:భద్రాద్రి కొత్తగూడెం జిల్లా సుజాతనగర్ రాష్ట్రీయ రహదారి రోడ్డు భద్రత మహోత్సవాల్లో భాగంగా, జిల్లా ఎస్పీ రోహిత్ రాజు ఐపీఎస్ ఆదేశాల మేరకు ఈ రోజు సుజాతానగర్ లో ట్రాలీ మరియు ట్రాక్టర్ డ్రైవర్లకు అవగాహన కార్యక్రమం నిర్వహించి రోడ్డు ప్రమాదాలు నివారించడానికి ట్రాక్టర్లకు , ట్రాలీలకు రేడియం స్టిక్కర్లను అంటించడం జరిగింది.ప్రజలందరూ ట్రాఫిక్ నిబంధనలు కచ్చితంగా పాటించడం ద్వారా ప్రమాదాలను తగ్గించుకోవచ్చు. హెల్మెట్ ధరించడం, సీటుబెల్ట్ పెట్టుకోవడం, మద్యం సేవించి వాహనాలు నడపకూడదనే విషయంలో అవగాహన కల్పించడమే ఈ కార్యక్రమం ప్రధాన ఉద్దేశ్యం. నిబంధనలు పాటించేవారు రోడ్లపై సురక్షితంగా ప్రయాణించగలరని, డ్రైవింగ్ చేస్తున్నప్పుడు మొబైల్ ఫోన్ వాడకూడదని, అలాగే చిన్నారులు, పాదచారులు రోడ్డు దాటేటప్పుడు జాగ్రత్తలు తీసుకోవాలని సుజాతనగర్ ఎస్సై రమాదేవి సూచించడం జరిగింది.
ఈ కార్యక్రమంలో సుజాతనగర్ ఎస్ఐ రమాదేవి ఏఎస్ఐ రాఘవులు మరియు పోలీస్ సిబ్బంది పాల్గొన్నారు
