డైలీ భారత్, రాజన్న సిరిసిల్ల:రాజన్న సిరిసిల్ల జిల్లా ఎల్లారెడ్డిపేట మండల కేంద్రంలో ఆటో బోల్తా కొట్టిన సంఘటన మంగళవారం చోటుచేసుకుంది. స్థానికుల వివరాల ప్రకారం రాచర్ల బొప్పాపూర్ గ్రామానికి చెందిన హర్షవర్ధన్ (15)తో పాటు పలువురు విద్యార్థులు ఎల్లారెడ్డిపేటలోని ఆటోలో ఓ ప్రైవేట్ పాఠశాలకు వెళ్తున్నారు. గాయత్రి కాలేజ్ వద్ద కుక్కలు అడ్డు రావడంతో ఆటో అదుపుతప్పి పల్టీలు కొట్టింది. ఈ ప్రమాదంలో పలువురు విద్యార్థులకు స్వల్పగాయాలు కాగా హర్షవర్ధన్ అనే విద్యార్థి కాలు విరిగింది.
వెంటనే స్థానికులు పిల్లలను ఆటోలో స్థానిక ప్రైవేట్ ఆస్పత్రికి తరలించి వైద్యం అందిస్తున్నారు. గ్రామాల్లో, వీధులలో కుక్కలు, కోతుల, బెడద, పందులు ఎక్కువ కావడంతో ఈ ప్రమాదాలు సంభవిస్తున్నట్లు స్థానికులు ఆరోపించారు. సంబంధిత అధికారులు చొరవ తీసుకొని వీటి నుంచి కాపాడవలసిందిగా ప్రజలు వేడుకుంటున్నారు.
