షాద్ నగర్ నియోజకవర్గ అక్కాచెల్లళ్లకు, అన్నాతమ్ముళ్లకు దివ్వెల దీపావళి శుభాకాంక్షలు
చెడుపై మంచి సాధించిన విజయానికి ప్రతీక దీపావళి
డైలీ భారత్ రంగారెడ్డి జిల్లా:తెలంగాణ రాష్ట్ర ప్రజలందరికి దీపావళి శుభాకాంక్షలు తెలిపిన ఉమ్మడి పాలమూరు జిల్లా ఎమ్మెల్సీ నవీన్ రెడ్డి. భారతీయ సంస్కృతికి ప్రతిబింబంగా వెలుగొందేవి భారతీయ పండుగలు. వాటిలో ఆనంద ఉత్సాహాలతో జాతి, కుల, మత, వర్గ విభేదాలను విస్మరించి సమైక్యంగా జరుపుకునే పండుగే దివ్య దీప్తుల దీపావళి. జగతిని జాగృతం చేసే చైతన్య దీప్తుల శోభావళి. చీకటిని పారద్రోలుతూ వెలుగులు తెచ్చే పండుగ, విజయానికి ప్రతీక దీపావళి పండుగ. దీప మాలికల శోభతో వెలుగొందే గృహాంగణాలు, ఆనంద కోలాహలంతో వెల్లివిరిసే ఆబాల గోపాలం, నూతన వస్త్రాల రెపరెపలు, పిండివంటల ఘుమఘుమలు, బాణసంచా చప్పుళ్ళు, ఈ దివ్య దీపావళి సోయగాలు.
