అసెంబ్లీ ప్రాంగణంలో శ్రీపాదరావు జయంతి వేడుకలు
డైలీ భారత్, రంగారెడ్డి జిల్లా బ్యూరో : బడుగు, బలహీన వర్గాల సంక్షేమానికి దివంగత స్పీకర్ శ్రీపాదరావు ఎనలేని కృషి చేశారని షాద్ నగర్ ఎమ్మెల్యే "వీర్లపల్లి శంకర్" అన్నారు. తెలంగాణ అసెంబ్లీ ప్రాంగణంలో రాష్ట్ర ప్రభుత్వం ఆధ్వర్యంలో దివంగత దుద్దిల్ల శ్రీపాదరావు 87వ జయంతి వేడుకలను ఘనంగా జరిపారు. ఈ కార్యక్రమానికి అసెంబ్లీ స్పీకర్ గడ్డం ప్రసాద్ కుమార్, రాష్ట్ర మంత్రి కోమటిరెడ్డి వెంకటరెడ్డి, అసెంబ్లీ కార్యదర్శి శ్రీనివాసాచార్యులు, చీఫ్ విప్ బీర్ల ఐలయ్య వివిధ నియోజకవర్గాలకు చెందిన పలువురు ఎమ్మెల్యేలు హాజరయ్యారు. ఈ సందర్భంగా కార్యక్రమాన్ని ఉద్దేశించి ఎమ్మెల్యే వీర్లపల్లి శంకర్ మాట్లాడుతూ.. ఉమ్మడి ఆంధ్రప్రదేశ్ స్పీకర్ దివంగత శ్రీపాదరావు జయంతి అధికారికంగా నిర్వహించడం సంతోషంగా ఉందని అన్నారు. సర్పంచ్ స్థాయి నుంచి అసెంబ్లీ స్పీకర్ స్థాయి వరకు శ్రీపాదరావు ఎదిగారని కొనియాడారు..
