డైలీ భారత్, రాజన్న సిరిసిల్ల జిల్లా: ఈరోజు సిరిసిల్ల పట్టణ బీఆర్ఎస్ అధ్యక్షుడు జిందం చక్రపాణిని పోలీసులు హౌస్ అరెస్టు చేశారు. నిన్న (గురువారం) ఎమ్మెల్యేలు కౌశిక్ రెడ్డి-అరెకపూడి గాంధీ మధ్య సవాళ్లు ప్రతిసవాళ్లు, కౌశిక్ రెడ్డి ఇంటి వెలుపల రచ్చ, అనంతరం అరెస్టులు వంటి పరిణామాల నేపథ్యంలో ఇవాళ ఎలాంటి ఉద్రిక్త పరిస్థితులకు దారితీయకుండా ఈ మేరకు పోలీసులు ముందస్తు చర్యలు తీసుకున్నారు.
జిల్లా కేంద్రం, నియోజకవర్గంలో పలువురు బీఆర్ఎస్ నేతల ఇళ్లపై పోలీసుల ఆకస్మిక దాడులు చేసి ముందస్తు అరెస్టుచేసి.. పోలీస్ స్టేషన్ కు తరలించారు..
హైదరాబాద్ తరలి వెళ్తారని ముందస్తు సమాచారంతోనే అరెస్టులు అంటున్న పోలీసులు
కోకాపేటలోని హరీష్ రావు నివాసంలో ఆయనను కూడా హౌస్ అరెస్ట్ చేశారు. ఆయనను కలవడానికి వస్తున్న బీఆర్ఎస్ నేతలను ఎవరినీ అనుమతించడం లేదు.
