ZPHS మరిమడ్ల నుంచి P. శ్రీకాంత్ రాష్ట్రస్థాయికి ఎంపిక. HM, ఉపాధ్యాయులు, గ్రామ ప్రజల హర్షం

రాజన్న సిరిసిల్ల జిల్లా అథ్లెటిక్స్ పోటీల్లో మరిమడ్ల ZPHS విద్యార్థులు 3 పతకాలు గెలిచారు. U18 జావలిన్‌లో గోల్డ్ సాధించిన శ్రీకాంత్ రాష్ట్రానికి ఎంపిక.

డైలీ భారత్, రాజన్న సిరిసిల్ల: గ్రామీణ ప్రాంత పాఠశాల అయినా క్రీడల్లో సత్తా చాటింది. రాజన్న సిరిసిల్ల జిల్లా వేములవాడ మండలం మరిమడ్ల గ్రామ ZPHS పాఠశాల విద్యార్థులు జిల్లాస్థాయి అథ్లెటిక్స్ పోటీల్లో అద్భుత ప్రతిభ కనబరిచారు.

జిల్లా అథ్లెటిక్స్ అసోసియేషన్ ఆధ్వర్యంలో శనివారం నిర్వహించిన 5వ జాతీయ జావలిన్ డే పోటీల్లో మరిమడ్ల విద్యార్థులు 3 పతకాలు సాధించి పాఠశాల కీర్తిని ఇనుమడింపజేశారు.

అండర్-18 విభాగం జావలిన్ త్రో పోటీలో P. శ్రీకాంత్ అద్భుత ప్రదర్శనతో గోల్డ్ మెడల్ సాధించారు. జిల్లాలో ప్రథమ స్థానంలో నిలిచిన శ్రీకాంత్ ఈనెల హనుమకొండలో జరిగే రాష్ట్రస్థాయి పోటీలకు ఎంపికయ్యారు. 

అండర్-12 విభాగంలో G. అఖిల ద్విపతకాలతో మెరిసింది. 60 మీటర్లు మరియు 400 మీటర్ల పరుగు పందెంలో పాల్గొని రెండు సిల్వర్ మెడల్స్ గెలుచుకుని జిల్లాలో రెండవ స్థానం పొందింది. 

అండర్-14 జావలిన్ త్రోలో M. భరత్ కూడా మెరిసి బ్రాంజ్ మెడల్ సాధించారు. జిల్లాలో మూడవ స్థానంలో నిలిచారు.

విద్యార్థుల విజయంపై పాఠశాల ప్రధానోపాధ్యాయులు మోడెం శ్రీనివాస్ సంతోషం వ్యక్తం చేశారు. విద్యార్థులను పట్టుదలతో తీర్చిద్దిన క్రీడా ఉపాధ్యాయుడు సతీష్ కృషిని ప్రశంసించారు. 

"ఈ విజయం వెనుక ఉపాధ్యాయులు, తల్లిదండ్రుల సహకారం ఎంతో ఉంది. ఇలాంటి అవకాశాలు చాలా అరుదు. అందరూ క్రమశిక్షణతో సాధన చేసి రాష్ట్ర, జాతీయ స్థాయికి ఎదగాలి" అని HM తెలిపారు.

ఈ విజయంతో ZPHS మరిమడ్ల పాఠశాల పేరు జిల్లా వ్యాప్తంగా మారుమోగింది. గ్రామ ప్రజలు, తల్లిదండ్రులు విద్యార్థులను అభినందిస్తున్నారు. రాష్ట్రస్థాయి పోటీల్లో శ్రీకాంత్ మరింత మెరుగైన ప్రదర్శన ఇస్తారని అందరూ ఆకాంక్షిస్తున్నారు.

#SiricillaNews #ZPHSMarimadla #TelanganaAthletics #JavelinDay #SchoolAchievements